Қамқоршылар кеңес

Ағымдағы жылдың 17 мамыр күні Н.Тілендиев атындағы облыстық мектеп-интернатында №4 қамқоршылар кеңесінің отырысы өтті.
Отырысты қамқоршылар кеңесінің төрайымы К.Ахметжанова жүргізді. Күн тәртібінде: мектеп-интернат директорының оқу-тәрбие ісі жөніндегі орынбасары  Қ.Суранова  «Білім сапасының ІІ жарты жылдық қорытындысын», директордың  бейінді  оқыту ісі жөніндегі орынбасары  Б.Олжабаева «Жыл оқушы-2024» жеңімпаздары туралы, директордың  тәрбие ісі жөніндегі орынбасары А.Сейтжанова  «Тәрбиеленушілердің  жазғы демалысын ұйымдастыру барысында  ата-аналармен  жүргізілген жұмыстар» туралы баяндамалар қаралды.
Қамқоршылар кеңесінің төрайымы К.Ахметжанова қаралған мәселелерге  жеке тоқталып, қамқоршылар кеңесінің мүшелері сұрақтар  қойып, ұсыныстар айтылды. Соның ішінде, ең басты көтерілген мәселелердің бірі бала тәрбиесі болды. Қатысушылар баланы еңбек арқылы тәрбиелеу, еңбекке баулу туралы мәселелер талқыланып, өз пікірлерін білдірді. Соңында қамқоршылар кеңесінің төрайымы К.Ахметжанова 2023-2024 оқу жылына арналған жоспар бойынша барлық жүргізілген қамқоршылар кеңесінің отырысы өз дәрежесінде өткізілгені  туралы айты.

Мектеп-интернат директоры Г.Тойшыманова қамқоршылар кеңесінің төрайымы Камилаш Құстүтінқызын Оқу-ағарту министрлігінің Алғыс хатымен  марапаттады.