Қайырымдылық - халқымыздың ең ізгі қасиеттерінің бірі

Мектеп-интернатымызда «Кислород SOS» және «Біз біргеміз» қайырымдылық акциялары волонтёрлары мен демеушілердің қолдауымен игілікті іс-шара ұйымдастырылды. Акция аясында интернатта тәрбиеленіп жатқан 300-ге жуық оқушыға әртүрлі ойыншықтар мен қуаныш сыйлайтын сыйлықтар таратылды.

Қайырымдылық – халқымыздың ең ізгі, асыл қасиеттерінің бірі екенін айғақтайтын бұл шара балалардың көңіл күйін көтеріп, мейірім мен қамқорлықтың үлгісін көрсетті.Іс-шара соңында мектеп-интернат әкімшілігі атынан ДТІЖО Амина Рапилбекқызы арнайы волонтёрлер мен демеушілерге алғыс хат табыстап, жасаған жақсылықтары үшін ризашылығын білдірді.Ол өз сөзінде балалардың қуанышы – ең үлкен сый екенін атап өтіп, алдағы уақытта да осындай игі істердің жалғасын табатынына сенім білдірді.