Құрметті желі қолданушылары!

    Нұрғиса Тілендиев атындағы облыстық мектеп-интернат әкімшілігі мен ұжымы ағымдағы жылдың 19 тамыз күні Instagram мен Facebookта жарияланған тәрбиешілердің атынан көмек сұрап жазған шағымдары дәлелденбеген мағлұмат екенін айтып, теріске шығарамыз. Өйткені, Ұжымдық шартта «Каникулдық кезеңде оқу-көмек беру мен қызмет көрсету құрамдағы жұмысшылар арнайы білімді қажет етпейтін (шағын жөндеу жұмыстары, мекеме аумағында жұмыс және т.б.) шаруашылық жұмыстарды атқаруға сол қызметкерлерге белгіленген жұмыс уақытының шегінде татылады» делінген, сондықтан тәрбиешілерге артық, ауыр басқа да жұмыстар жасатылмайды. Сонымен қатар тәрбиешілерден жазғы жұмыстар бойынша келісімдері алынған. Тәрбиешілердің көбісі еңбек демалысынан 10 тамыздан кейін шықты, сондықтан 2 апта шығып, 40 градустық ыстықта жұмыс істеуі мүмкін емес Ауа райының салқындағанын да білесіздер. Дала жұмыстарына азанғы салқынмен 1-2 сағат уақыт қана шығып жүрді. Тәрбиешілерге жұмыс уақыттарына сәйке, еңбек ақылары толық уақытылы төленіп отыр. Мектеп-интернат әкімшілігі, ҚР заңнамаларына қайшы іс әрекеттер жасалмағандығын хабарлайды.