8 Наурыз - ХАЛЫҚАРАЛЫҚ ӘЙЕЛДЕР КҮНІНЕ АРНАЛҒАН САЛТАНАТТЫ МЕРЕКЕЛІК КЕШ

  "8 Наурыз – Халықаралық әйелдер күніне арналған салтанатты мерекелік кеш" жоғары деңгейде ұйымдастырылып, мазмұнды әрі әсерлі түрде өткізілді. Іс-шараның негізгі мақсаты – әйел-ананың қоғамдағы рөлін дәріптеу, нәзік жандыларға құрмет көрсету және оқушыларды адамгершілікке, ізгілікке тәрбиелеу. Мерекелік кештің жүргізушілері Құдайберген ағай мен Ғалымжан ағай болды. Олар кешті жоғары деңгейде жүргізіп, көрерменге көтеріңкі көңіл-күй сыйлады. Бағдарлама барысында «Қыздарға әсемдік жарасады» атты ән орындалып, мерекенің сәнін келтірді. Сондай-ақ, домбыра үйірмесінің жетекшісі Д. Басықараев қазақтың біртуар композиторы Нұрғиса Тілендиевтің «Баламишка» күйін шебер орындап, көрермендердің ыстық ықыласына бөленді.Кеш барысында барлық залда отырған қыз-келіншектерге арналған жүрекжарды арнаулар айтылып, ерекше құрмет көрсетілді. Сонымен қатар, облыстық білім басқармасы тарапынан бірқатар ұстаздар марапатталып, алғыс хаттар табысталды.Іс-шараға мектеп-интернат директоры Гульзира Джақсыбековна қатысып, мерекелік құттықтау сөз сөйлеп, ұстаздар қауымына ізгі тілегін білдірді.Аталған мерекелік кеш жоғары деңгейде ұйымдастырылып, қатысушыларға көтеріңкі көңіл-күй сыйлап, әйел затына деген құрметті арттыра түсті.