2026 жылғы 25 мамыр күні мектеп-интернат алаңында 2025–2026 оқу жылының аяқталуына арналған «Білімім – Отаныма!» атты «Соңғы қоңырау» салтанатты жиыны өткізілді.Салтанатты жиынға мектеп әкімшілігі, педагогтер, ата-аналар, оқушылар және арнайы шақырылған құрметті қонақтар қатысты. Іс-шара барысында 9 және 11-сынып оқушылары салтанатты түрде қарсы алынып, оқу жылы ішінде білім, шығармашылық, спорт және қоғамдық іс-шаралар бағытында жоғары нәтижеге жеткен оқушылардың жетістіктері атап өтілді.Аталған салтанатты жиынға арнайы шақырылған құрметті қонақтар ретінде 10 жылдан астам уақыт облыстық білім саласын басқарған, қазіргі таңда “Ауыл” партиясының өңірлік филиалының төрағасы Курманбекова Сұлушаш Сатбековна, мектеп-интернатымыздың алғашқы директоры, аяулы ұстаз, Қамқоршылар кеңесінің төрайымы Ахметжанова Камилаш Құстүтінқызы және ардагер ұстаз Майко Семізбайқызы қатысты.Іс-шара барысында Қазақстан Республикасының Мемлекеттік Туы енгізіліп, Мемлекеттік Гимн орындалды. Сонымен қатар мектеп директоры Г.Д. Тойшыманова, шақырылған қонақтар және ата-аналар тарапынан құттықтау сөздер айтылды. 11-сынып түлегі Шаяхмет Замираның анасы Құрқымбаева Бақыткүл сөз сөйлеп, мектеп ұжымына, ұстаздарға және тәрбиешілерге ата-аналар атынан алғысын білдірді.Салтанатты жиында оқу жылы бойы мектепішілік және қоғамдық іс-шараларға белсенді қатысқан оқушылар мен үздік сыныптар ерекше марапатталды. Атап айтқанда, жыл бойы барлық іс-шараларға белсене атсалысып, мектеп өміріне үлес қосқан оқушылар мен үздік сыныптарға мектеп-интернатымыздың алғашқы директоры, аяулы ұстаз, Қамқоршылар кеңесінің төрайымы Ахметжанова Камилаш Құстүтінқызының және мектеп директоры Г.Д. Тойшыманованың атынан қаржылай сыйақы табысталды. Бұл марапат оқушылардың белсенділігін арттыруға, сынып ұжымдарының ынтымағын нығайтуға және мектепішілік тәрбие жұмысына деген қызығушылығын қолдауға бағытталды. Сонымен қатар оқу жылы ішінде түрлі пәндік олимпиадаларда, шығармашылық байқауларда, спорттық жарыстарда және қоғамдық іс-шараларда жетістікке жеткен оқушылардың еңбегі аталып өтіп, оларға алғыс пен құрмет көрсетілді. Салтанатты жиын концерттік бағдарламамен жалғасын тапты. Бағдарлама барысында «Ұстазға қошемет» әні орындалып, 9-сынып және 11-сынып түлектерінің вальсі ұсынылды. Түлектер ұстаздарына, ата-аналарына және алтын ұя мектептеріне алғыс сөздерін арнады. Іс-шара соңында 1-сынып оқушысы мен 11-сынып түлектері соңғы қоңырау соғу рәсімін орындады.«Соңғы қоңырау» салтанатты жиыны жоғары деңгейде ұйымдастырылып, тәрбиелік мәні зор, әсерлі әрі мазмұнды түрде өткізілді. Іс-шара оқушылардың мектепке деген сүйіспеншілігін арттырып, ұстаз еңбегіне құрмет көрсетуге және білімнің Отанға қызмет ету жолындағы маңызын ұғындыруға бағытталды.  

                                                      2026 жылғы 22 мамыр

                                                    №5 педагогикалық кеңес

Тақырыбы:

«Оқушы білімін бақылау мен бағалау жүйесі»

Мақсаты:

Сыныптан-сыныпқа көшіру және мемлекеттік емтихандарға әзірлік жұмыстарын ұйымдастыру.

ҚАТЫСҚАНДАР:

Мектеп әкімшілігі, педагог қызметкерлер, комиссия мүшелері.

КҮН ТӘРТІБІ:

1. Өткен педагогикалық кеңесте қабылданған шешімнің орындалуы.

2. IV тоқсан және жылдық қорытынды бойынша 1–11 сынып оқушыларының оқу үлгерімі мен білім сапасы, мониторинг қорытындысына сараптама жасау. Оқу жылын аяқтау, емтиханға жіберу және сыныптан-сыныпқа көшіру туралы.

3. Жылдық қорытынды, тәрбие процесіне мониторингтік сараптама.

4. Педагогтардың кәсіби өсу мониторингі.

5. Мектеп жатақханасының санитарлық-гигиеналық талаптары мен эстетикалық жабдықталуы, тәрбиеленушілердің тәртібі туралы.

ТЫҢДАЛДЫ:

1-мәселе бойынша: Педагогикалық кеңестің хатшысы өткен педагогикалық кеңесте қабылданған шешімдердің орындалу барысы туралы баяндама жасады. Қабылданған шешімдердің уақытылы орындалғаны айтылды.

2-мәселе бойынша: ДОІЖО Суранова К.Б. IV тоқсан және жылдық қорытынды бойынша білім сапасына мониторинг жүргізіліп, 1–11 сынып оқушыларының оқу үлгеріміне сараптама жасалғанын хабарлады. Сонымен қатар оқу жылын аяқтау, оқушыларды қорытынды аттестаттауға жіберу және келесі сыныпқа көшіру мәселелері қарастырылды.

3-мәселе бойынша: ДТІЖО Исакова.А.Р тәрбие жұмыстарының жылдық қорытындысына тоқталып, тәрбие процесіне жүргізілген мониторинг нәтижелерін таныстырды. Жыл бойы өткізілген іс-шаралардың тәрбиелік маңызы атап өтілді.

4-мәселе бойынша: ДБЖО Жайдарова.М.Е педагогтердің кәсіби өсуі, біліктілік арттыру курстары мен әдістемелік жұмыстарға қатысуы бойынша мониторинг нәтижесін баяндады.

5-мәселе бойынша: Аға тәрбиеші Қансеитова.А.Е мектеп -интернат жатақханасындағы санитарлық-гигиеналық талаптардың сақталуы, эстетикалық жабдықталуы және тәрбиеленушілердің тәртіп жағдайы туралы мәлімет берді.

ҚАУЛЫ ЕТТІ:

1. Өткен педагогикалық кеңесте қабылданған шешімдердің орындалуы қанағаттанарлық деп танылсын.

2. 1–11 сынып оқушыларының жылдық қорытынды бағалары бекітілсін.

3. Бітіруші сынып оқушылары мемлекеттік емтиханға жіберілсін.

4. Үлгерімі талапқа сай оқушылар келесі сыныпқа көшірілсін.

5. Тәрбие жұмыстары мен педагогтердің кәсіби даму мониторингі бойынша жұмыстар жалғастырылсын.

6. Жатақханадағы санитарлық-гигиеналық талаптарды сақтау және тәрбиеленушілер тәртібін бақылау күшейтілсін.
 Педагогикалық кеңес төрайымы:                         Г.Д.Тойшыманова

Хатшысы:                                                                Г.Б. Ташенова